यौन सम्पर्क गर्न नदिएको झोंकमा पत्नी हत्या
दमक, असार २७ - यौन सम्पर्क गर्न नदिएको झोंकमा पत्नी हत्या गरेको आरोपमा कनकाइ नगरपालिकाका एक युवकलाई प्रहरीले हिरासतमा लिएको छ ।
२३ वर्षीया श्रीमती मञ्जुको हत्या गरेको आरोपमा प्रहरीले कनकाइ ७ का २७ वर्षीय उमानाथ गहतराजलाई नियन्त्रणमा लिएको हो ।
इलाका प्रहरी कार्यलय बिर्तामोडका डीएसपी सञ्जय राउतका अनुसार गहतराजले श्रीमतीले यौन सम्पर्क गर्न नमानेपछि उनको छातीमा मुक्का हानेका थिए । मुक्काले मञ्जुको घटनास्थलमै मृत्यु भएको प्रहरी दाबी छ ।
शव अन्तेष्टीका लागि शुक्रबार कनकाइमाइमा पुर्याइसकेपछि माइती पक्षले प्रहरीलाई खबर गरेको थियो । माइतीको उजुरीका आधारमा घाटमा पुर्याइएको शवलाई पोष्टमार्टमका लागि मेची अञ्चल अस्पताल भद्रपुर लगिएको छ । हत्या आरोपमा उमानाथलाई हिरासतमा राखेर अनुसन्धान भइरहेको डीएसपी राउतले जानकारी दिए ।
- कान्तिपुर बाट
