घरमा ट्रिपर ठोक्किदा दम्पतीको मृत्यु
काठमाडौ, असार १६ – बाडभन्ज्याङ ८ पिपलामोड सडक खण्डमा ट्रिपरको ठक्करबाट घर भित्र सुतिरहेका २ जनाको ज्यान गएको छ ।
आइतबार राती १ बजे थानकोटबाट नौैबिसेतिर जाँदै गरेको बा २ ख ३९ ९२ नम्बरको ट्रिपर घरमा ठोकिंदा घरधनी ७० बर्षका बलराम बोहोरा र उहाँकी श्रीमती मैयाको घटनास्थलमै ज्यान गएको प्रहरीले जनाएको छ ।
बा १ ख ७५९२ नम्बरको मिनिटाटाले ओभरटेक गर्ने क्रममा ट्रिपर अनियन्त्रित भई बोहोराको घरमा ठोक्किएको थियो । यस्तै काठमाडौको बालुवाटारमा पार्किङ गर्न लागेको मिनिबसले च्यापिदा सहचालक गम्भीर घाइते भएका छन् ।
आइतबार बेलुकी ७ बजे, बा१क ४६ २२ नम्बरको मिनिबस पार्र्किङ गर्ने क्रममा च्यापिएर नुवाकोट घर भएका २१ बर्षका राजकुमार तामाङ घाइते भएका प्रहरीले जनाएको छ ।
