१ लाखमा आफ्नी श्रीमती साथीलाई बेचेर श्रीमान फरार !
भारतको पिरोजाबाद जिल्लाको थाना सिरसागंजको बिधौली बस्ने एक महिलाले प्रहरीलाई बताए अनुसार उनलाई उनका श्रीमानले १ लाख रुपयामा बेचेका हुन् ।
ती युवतीले लगाएको आरोप अनुसार बबलुले दिल्लीका रामकिशनसंग उनलाई १ लाखमा बेचेर बेपत्ता भएका थिए । बाध्यताबस आफु ३ महिना रामकिशनसंग बसेको उनले बताएकी छिन् । त्यसपछि मौका पाएर भागेको र नोएडामा आफ्ना १ बर्षको बच्चाको पालनपोषणका लागि मजदुरी गरेको उनले प्रहरीलाई बयान दिएकी छिन् । यसबीचमा उनले आफ्नो श्रीमानलाई लिन आउनका लागि धेरै दिन फोन गरेर पनि लिन नआएको उनले बताइन् ।
यद्यपी उनि बुधबार आफै घर जानका लागि गाडी चढेर भोगांव नगर पुगेर चिनजानका मनोजको घर पुगिन् त्यहा पुगेर उनले फेरी आफ्ना श्रीमानलाई फोन गर्दा पनि श्रीमान आएनन् । तर ससुरा आएर मनोजको घरमा हंगामा मचाए । त्यहि सुचना प्रहरीले पाएपछि ती दुबै जनालाई प्रहरीले पक्राउ गरेको हो । प्रहरीका अनुसार युवती श्रीमानसंगै बस्न चाहन्छिन् र त्यहाबाट घरमा पनि श्रीमानसंग जान चाहन्छिन् ससुरासंग जान चाहन्निन् ।
तर उनका श्रीमानले भने लिन आउन मानेका छैनन् । त्यसैले अहिले उनलाई नारी निकेतन मथुरामा राखिएको भारतीय सञ्चारमाध्यमले जनाएका छन् ।
