विश्वकपमा चम्केपछि खेलाडिको भाऊ ३ करोड ५० लाख पाउण्ड !
काठमाडौं, असार २७ - चिलीका फुटबल स्ट्राइकर एलेक्सिस सान्चेज इंग्लिस क्लव आर्सनलमा आवद्ध भएका छन् ।
सान्चेज सन् २०११ मा २ करोड पाउण्ड भन्दा केही ट्रान्सफर फी र १ करोड बोनस पाउन गरी इटालीको उडिनेस क्लवबाट बार्सिलोना आएका थिए । सन् २०११ मा ३ करोड २० लाख पाउड बराबरको त्यो सम्झौता चिलीका फुटबल खेलाडीले गरेको सबैभन्दा धेरै रकमको सम्झौता थियो । विश्वकपमा उनको टिम चिली प्रिक्वाटरफाइनलबाटै घर फर्किए पनि विश्वकपमा राम्रो प्रदर्शन गरेका उनले २ गोल गरेका थिए । चिलीका लागि उनले ४७ खेलमा १२ गोल गरेका छन् । २५ वर्षका सान्चेजले बार्सिलोनाका लागि भने १ सय ४१ खेल खेल्दै ४७ गोल गरेका थिए ।
