पछील्लो बलिवूड अपडेट : करिना अक्षय रोमान्स, बुद्धिष्ट शाहरूख, पूर्वपत्नीसँग सैफ, बिहे गर्ने तयारीमा केट-रणवीर ||
अक्षय र करिनाले यसअघि अजनबी, तलाश, ऐतराज, वेवफा, टसन, कमबख्त इश्कजस्ता चलचित्रमा सँगै काम गरिसकेका छन्। राउडि राठौरमा करिनाको आइटम नम्बर समावेश थियो। हाल करिना अक्षयसँग फिल्म गब्बरमा काम गरिरहेकी छिन्।
अक्षय कुमार तथा करिना कपुरले चाँडै एक चलचित्रमा रोमान्स गर्ने भएका छन्। अक्षयको नयाँ चलचित्र सिंह इज ब्लिङमा करिनालाई लिइने योजना बनाइएको बताइन्छ। सिंह इज ब्लिङ सन् २००८ मा विपुल शाहले निर्माण गरेको चलचित्र सिंह इज किङको सिक्वेलका रूपमा निर्माण हुनेछ। सिंह इज ब्लिङलाई निर्देशक प्रभु देवाले निर्देशन गर्नेछन्। यो चलचित्रको निर्माण अक्षयले अश्विनी यार्डीसँग मिलेर संयुक्त रूपमा गर्न लागेका हुन्। जानकारी अनुसार करिना कपुरलाई यो चलचित्रको स्क्रिप्ट असाध्यै मनपरेको छ। अक्षय र करिनाले यसअघि अजनबी, तलाश, ऐतराज, वेवफा, टसन, कमबख्त इश्कजस्ता चलचित्रमा सँगै काम गरिसकेका छन्। राउडि राठौरमा करिनाको आइटम नम्बर समावेश थियो। हाल करिना अक्षयसँग फिल्म गब्बरमा काम गरिरहेकी छिन्।
बुद्धिष्ट शाहरूख
आईपीएलको यसपटकको संस्करण हात पारेपछि शाहरूख खान दंग छन्। दुई पटक आईपीएल उपाधि चुमेका कोलकाता नाइट राइडर्सका मालिक शाहरूख आफ्नो टिमको प्रदर्शनबाट अवाक भएको बताइरहेका छन्। आइपिएल चलिरहँदा उनी फराह खानको चलचित्र ह्याप्पी न्यु इयरको सुटिङका साथमा क्रिकेट हेर्न दुबई र भारतका विभिन्न शहर पुगिरहेका हुन्थे। आईपीएलको गर्विलो जितका सम्बन्धमा उनले टिव्ट गरे- 'अहिले मैले गौतम वुद्धको जीवनमा आधारित पुस्तकहरूको सेट हातपारेको छु, यी पुस्तक अध्ययन गर्न एकदमै उत्साहित छु, आशा छ, अध्ययनपश्चात म आफूलाई शान्त राख्न सफल हुनेछु।' बौद्धदर्शनमा अभिरुचि भए पनि अध्ययन गर्ने मौका नपाएका साहरुखले बुद्धधर्मसम्बन्धी पुस्तकले आफूलाई अचम्मसँग आकषिर्त गरेको बताएका छन्।
पूर्वपत्नीसँग सैफ
सैफ अलि खान पूर्वपत्नी अमृता सिंहसँग डेटमा मस्त हुन थालेका छन्। हालै एक 'रोमान्टिक नाइट आउट'मा निक्लिएको यो पूर्वजोडीका तस्बिर पनि सार्वजनिक भएका छन्। सैफ र अमृताबीचको सम्बन्ध साथीका रूपमा कायमै भए पनि उनीहरू यसरी बाहिर भने देखिएका थिएनन्। करिना कपुर र सैफको सम्बन्धमा खटपट उत्पन्न भएको समाचार आइरहेका बेला सैफ अमृतासँग भेटिनुले स्थिति गम्भीर भएको संकेत मिलेको भारतीय संचारमाध्यमहरूको दावी छ। सैफ र अमृताका दुई सन्तान सारा र इब्राहिम छन्। सैफभन्दा १२ वर्ष जेठी अमृताले विवाहपश्चात् अभिनय यात्रा त्यागेकी थिइन् तर सम्बन्धविच्छेदपछि उनी पुनः अभिनयमा फर्किइन्।
बिहे गर्ने तयारीमा केट-रणवीर
ऋषि कपुरको पालीहिलस्थित घर कृष्णाराजलाई सजाउने तयारी सुरु भएको छ। उक्त आलिसान घरको माथिल्लो तला विशेष ढंगले सजाउन इन्टेरियर डिजाइनर एवं नायक ऋतिक रोशनकि पूर्वश्रीमती सुजैन रोशनलाई जिम्मेवारी दिइएको छ। रणवीर कपुर र कैटरिना कैफबीच वर्षको अन्त्यसम्ममा विवाह हुने निधो भएकाले यी सबै तयारी सुरु भएको बताइन्छ। रणवीर यतिबेला केपटाउनमा अनुराग बसुको चलचित्र जग्गा जासुसको सुटिङमा कैटरिनासँग अनस्क्रिन रोमान्समा मस्त छन्। दुवैका परिवारले उनीहरू केपटाउन जानुपुर्व नै विवाहका बारेमा सरसल्लाह गरेको टेलिभिजन च्यानल जुमको दाबी छ। रणवीरकी ठूलोबुबाकी छोरी करिना कपुरले कफी विथ करणमा करण जोहरसँग कुराकानी गर्दै यो जोडीबीच गम्भीर प्रेमसम्बन्ध रहेको र चाडै विवाह हुनसक्ने बताएकी थिइन्।
