विश्वको सबैभन्दा छोटो खेल, सकियो मात्र १ सेकेण्डमा
७६ किलोग्राम अन्तर्गतको खेलमा खेल सुरू भएको मात्र १.१३ सेकेण्डमा खेलको टुङ्गो लागेको थियो । ग्यारेटले आफ्ना प्रतिष्पर्धी २१ वर्षीय हेरोनको छातीमा जोडदार प्रहार गर्दै पहिलो प्रयासमा नै रिङ्गमा ढालेका थिए । उक्त प्रहार पछि हेरोन रिंगमा उठ्न सकेनन् र उक्त प्रतिष्पर्धामा हेरोनलाई ग्यारेटले सहजै पराजित गरे र एउटा नयाँ रेकर्ड कायम गरे ।
विजेता घोषणा गरेपछि ग्यारेटलाई खेल हुनुअगाडि यस्तो गर्ने कुनै सोच थियो भनेर सोधिएको थियो । सो क्रममा उनले आफूले यस विषयमा केही नसोचेको तर आफूले विपक्षीलाई जोडदार प्रहार गरेर सकेसम्म जित हासिल गर्ने ध्याउन्नमा रहेको बताएका थिए ।
यो भन्दा अगाडि यो रेकर्ड पाँच मिनेटको थियो । यो रेकर्ड कोरी कान्बेको नाममा दर्ता भएको थियो । यही महिना भएको प्रतिष्पर्धामा कोरी कान्बेले एजे लिबोनलाई पाँच सेकेण्डमा पराजित गरेका थिए । कोरी सुरूदेखी नै आक्रामक रहेका थिए ।
