५ वर्ष बढी जेल बसेकी महिलाले मागिन् ६ लाख क्षतिपूर्ति
.jpg)
उक्त अवधीको हिसाव गरी करिव ५ लाख बराबर रकम क्षतिपूर्तिको रुपमा आफूले पाउनु पर्ने दावी गुरुङको निवेदनमा गरिएको छ।
अदक्ष मजदूरले दैनिकरूपमा प्राप्त गर्ने ज्याला रकम बराबर प्रतिदिन रू. ३००को दरले २०१८ दिनको ६ लाख ५ हजार ४ सय क्षतिपूर्ति तत्काल दिनूभनी विपक्षी नेपाल सरकारको नाममा परमादेशको आदेश जारी गर्न रिटमा माग गरिएको छ ।
गुरुङ माइतीघरमै रहेको अवस्थामा २०४७ सालमा स्थानीय जगतबहादुर तामाङले जवरजस्ती करण गरेका थिए। करणपछि जन्मेको वच्चालाई २०४८ साल मंसिर २४ गते आफैले हत्या गरेकी थिइन्। नवजात शिशुको हत्या गरेपछि प्रहरीले उनकै दाई सन्तकुरमार गुरुङको जाहेरले पक्राउ गर्यो। पक्राउपछि उनीविरुद्ध कर्तव्य ज्यान मुद्दा धनकुटा जिल्ला अदालतमा दायर भयो। २०४८ फागुनमा सर्वस्वसहित जन्मकैदको फैसला भयो। सरकारी पक्षले गरेको पुनरावेदनमा गरेको निवेदनमा फैसला हुँदा अभियोग सदर गर्दै १० वर्ष मात्र कैद हुने फैसला सुनाएको थियो। उक्त फैसलालाई सदर गर्दै सर्वोच्च अदालतले २०५१ जेठ ५ गते ५ वर्ष मात्र कैद हुने फैसला सुनायो। उक्त फैसला बमोजिम आफू २०५३ मा कैद मुक्त हुनुपर्नेमा विपक्षीहरुको गल्तीले थप समय थुनामा राखेको रिटमा उल्लेख छ।
सर्वोच्चवाट तोकिएको अवधीभन्दा करिव ५ वर्ष आफूले जेलमा बिताउन परेको रिटमा जिकीर गरिएको छ।
रिटमा प्रधानमन्त्री तथा मन्त्रीपरिषदको कार्यालय,गृह ,कानुन मन्त्रालय, धनकुटा जिल्ला अदालत,कारागार व्यवस्थापन विभाग काठमाडौं र जिल्ला कारागार शाखा तेह्रथुमलाई विपक्षी बनाइएको छ।
-श्रोत नागरिक न्युज
