काठमाडौं - पूर्व प्रधानमन्त्री गिरिजाप्रसाद कोइरालाका छोरा सुरेशको आज बिहान निधन भएको छ। हर्ट अट्याकले बिहान ९:३० बजे मुखबाट रगत निस्कन थालेपछि उनलाई उपचारका लागि ओम अस्पताल लगिएको थियो।
बिहान मर्निङ वाक सकेर जोरपाटी नयाँ वस्तीमा रहेको डेरामा फर्केपछि उनलाई हर्ट अट्याक भएको थियो।
उनको उपचारकै क्रममा अस्पतालमा निधन भएको हो। उनको शव अन्त्यस्टीका लागि पशुपति लगिएको छ। पशुपति आर्यघाटमा उनको अन्त्यस्टीका लागि सुजाता कोइराला, लीला कोइराला, सशांक कोइरालालगायतको उपस्थिति छ।
राजनीतिबाट टाढै रहेका उनी समान्य जीवन विताउँदै थिए। ६९ वर्षका सुरेश छापाखाना चलाएर बसेका थिए। उनका दुई छोराहरु छन्।
प्रचण्ड पत्नी सीतालाई मातृशोक
एमाओवादी अध्यक्ष प्रचण्डका सासुको निधन भएको छ । प्रचण्ड पत्नी सीताकी ८४ वर्षीया आमा हरिकला पौडेलको शनिबार चितवनमा निधन भएको हो ।
सासुको निधन भएपछि एमाओवादी अध्यक्ष प्रचण्ड श्रद्धान्जली दिन चितवन देवघाट पुगेका छन् ।
