संविधानसभामा भगवान् विष्णु प्रकट हुने डर !
१३ असार, काठमाडौं ।
संविधानसभामा अहिले विभिन्न बिषयमा बहस चलिरहेका छन् ।
संघीयता, धर्म निरपेक्ष जस्ता महत्वपूर्ण बिषयमा बहस हुँदा सभासद् नहुनु कुनै नयाँ कुरा होइन । तर आज संविधानसभामा धर्मको बिषयमा नेपाली कंग्रेसकी एक सभासद् जनमत संग्रहबाट धर्म निरपेक्षताको बिषय टुङगो लगाउनुपर्ने बताइन् । उनी हुन्– सभासद सुबर्ण ज्वारचन ।
सो क्रममा उनले रोचक शैलीमा आफ्नो धारणा राखिन् । ज्वारचनको भनाइ छ– नेपाललाई धर्मनिरपेक्ष बनाइयो भने साक्षात भगवान बिष्णु संविधानसभा प्रकट भएर सभासद्लाई दण्ड दिनुहुनेछ । उनले नेपालमा इसाइ धर्म प्रचारको नाममा मन्दिर भत्काउने काम भइरहेको भन्दै आपत्ति समेत जनाएकी थिइन् ।
