» बोक्सीको आरोपमा कुटिएकी महिलाको कन्तबिजोग |

बोक्सीको आरोपमा  छिमेकीद्वारा कुटिएकी  मिर्जापुर निवासी सुशीला खातुनले न्याय पाउन सकेकी छैनन् ।

बोक्सीको आरोप लगाउँदै छिमेकीले उनीमाथि कुटपिट गरे पनि इलाका प्रहरी कार्यालय पोखरियाले पीडकहरुलाई कानुनी कारबाहीबिना नै मुक्त गरिदिएको पीडकको आरोप छ ।

मिर्जापुर–२ निवासी ४० वर्षीया खातुनलाई छिमेकी भुलाई यादव भनिने अयोध्या यादव, जयराम यादव, प्रमोद यादव र भोज यादवले सामूहिक रुपमा कुटपिट गर्दै घाइते बनाएपछि फरार भएका थिए ।

फरारमध्ये दुईजनालाई प्रहरीले नियन्त्रणमा लिए पनि सामान्य सोधपुछपछि मुक्त गरिदिएको गुनासो पीडितका श्रीमान् रैफुल मियाँको छ ।

गम्भीर घाइते अवस्थामा रहेकी खातुनको नारायणी उपक्षेत्रीय अस्पतालमा उपचार जारी छ र उपचारका लागि पनि रकम अभावका कारण समस्या भएको मियाँले बताए ।