कपाल नझर्ने औषधि खाँदा लिंगले कामै गरेन, प्रेमिकाले छोडेर गाइन
कपाल झर्न रोक्ने औषधि खाएका एक बेलायती नागरिकको गुप्ताङ्ग नै काम नलाग्ने भएको छ ।
हलमा बस्दै आएका ३६ वर्षका पउल इनेसले आइटिभीलाई दिएको अन्तर्वार्तामा कपाल झर्ने औषधि खाएका कारण आफ्नो गुप्ताङ्ग काम नलाग्ने भएको र आफ्नो यौन जीवन नै खतरामा परेको जानकारी दिएका हुन् ।
आफ्नी प्रेमिकासँगै टेलिभिजन अन्तर्वार्तामा देखिएका इनेसले भने ‘मैंले आफूलाई पुरुष नै होइन जस्तो ठानें ।’ डाक्टरले उनको सबै परीक्षण गरेर थाइराइटको समस्याका कारण कपाल झरेको भन्दै प्रोपेसिया नामको औषधि दिएका थिए । जुन औषधि युरोपियन युनियनबाट मान्यता प्राप्त औषधि हो । यो औषधिले यौन सक्षमता घटाउने सक्ने सम्भावना २ प्रतिशत रहेको डाक्टरले आफूलाई बताएका इनेसले बताए । गुप्ताङ्ग काम नलाग्ने भएपछि उनको प्रेमिकासँगको सम्बन्ध पनि टुटेको थियो । त्यसपछि उनले परिवारका अरु सदस्यको सहयोगमा मनोचिकित्सकसँग उपचार गराउन थालेको जानकारी उनले दिए ।
इनेसका अनुसार यसमा अचम्मलाग्दो कुरा के छ भने जतिबेला उनी यौन सम्बन्ध राख्नै नसक्ने भएका थिए, त्यतिबेलै उनकी प्रेमिका भने गर्भवती भएकी छिन् । इनेसले यौन सम्बन्ध राख्न नसक्ने भएपछि उनलाई छाडेर हिंडेकी उनकी प्रेमिका अहिले पुनः उनीसँग फर्किएकी छिन् । उनी आफ्नो बच्चाको आमा बन्न लागेकाले फर्किएको इनेसले बताए । आफूलाई छाडेर हिँडेकी प्रेमिका आफूसँग बस्दा नै गर्भवती भएको थाहा पाएपछि आफू झनै अचम्ममा परेको उनले बताए ।
- एजेन्सीको सहयोगमा
