भेडीगोठमै बालिकालाई बलात्कार प्रयास गरेपछी !
मुगु : सुकाढिक गाबिस वडा नम्बर ९ निबासि १४ बर्षिया एक बालिकालाई बलात्कार गर्न खोज्ने आरोपितलाई अछाममा प्रहरीले पक्राउ गरेको छ।
साउन १ गते राती १० बजे सुकाढिक ९ स्थित भेडाबाख्रा राख्ने लेकको भेडीगोठमै १४ वर्षिया सिता ( नाम परिवर्तन) लाई बलात्कार गर्न खोज्ने २७ वर्षिया बासु तिवारीलाई अछाम जिल्लाको चौखुट्टेमा प्रहरीले नियन्त्ररणमा लिएको हो। बलात्कारको घटना बाहिर आएपछि डरले भागेर भारततिर जान लागेको अवस्थामा प्रहरीले समाएको हो।
भेडिगोठमा बलात्कार गर्न खोजेको भनी आफना अभिभावकलाई साउन २ गते बिहान घट्ना सुनाएपछि घटना बाहिर नल्याउन गाउँले र आरोपितका परिवारले दबाब दिई चार दिन सम्म यसलाई गाउँमै मिलाउने प्रयास भएको थियो। आरेपित तिवारीकी आमाले ५ हजार दिएर पिडितको ढोगेपछि पीडितको परिवार झन् आक्रोशित भएर प्रहरीकहाँ कारबाहीका लागि जाहेरी दिएको थियो। प्रहरीकहाँ उजुरी पुगेपछि बासु गाउँबाट भागेका थिए। बलात्कार घटनाको छानबिनका लागि बासुलाई मुगुमा ल्याउने जिल्ला प्रहरी कार्यालयका निमित्त प्रमुख मित्र आर्चायले जानकारी दिए।
