ऋचाको नीतालाई प्रश्न-’केकीले पाउनुपर्ने पुरस्कार तिमीले कसरी पायौ ?’
सोमबार सम्पन्न ‘राष्ट्रिय चलचित्र पुरस्कार’ले मिडियादेखि सामाजिक संजाल हुँदै चलचित्रकर्मीमाझ तरंग नै श्रृजना गरिदिएको छ । पुरस्कार कार्यक्रम सकिएलगतै नायिकाहरुमा देखिएको आक्रोश हेर्नलायक नै थियो ।
नायिका ऋचा शर्माले पुरस्कार पाएकी नायिका नीता ढुंगानालाई देखाएको व्यवहार भने हेर्नलायक नै थियो । उनले नायिका नीता ढुंगानालाई वधाई दिदै कुन फिल्मबाट पुरस्कार पायौ भनेर सोधिन् । नीताले पनि ‘मसान’बाट भन्ने जवाफ दिइन् । यसपश्चात ऋचाले प्रश्न गरिन्-’चलचित्रको मुख्य नायिका त केकी हुन्, तिमीले चै कसरी पुरस्कार पायौ त ?’
ऋचाको प्रश्नले केही कालो भएकी नीताले आफूले चलचित्रमा केकीको जत्तिकै भूमिका गरेको बताइन् । आफ्नो भूमिका र अभिनय राम्रो लागेकाले पुरस्कार पाएको हुँ, नीताको जवाफ थियो ।
नीताले पाएको पुरस्कारमा सिने नगरीका अन्य कलाकारहरुले पनि विरोध गरिरहेका छन् । तर यो बिषय कलाकारको युद्धको भन्दा पनि जुरी र आयोजकको पोल्टामा छोड्दा राम्रो देखिन्छ ।
