गर्भवती प्रेमिकाको हत्या | २ महिना पछी बल्ल रहस्य खुल्यो
७ साउन, दाङ । दाङको देउखुरीमा एक प्रेमीले प्रेमिकालाई हत्या गरेको रहस्य खुलेको छ । सतबरीया ५ की २२ वर्षकी हेमा चौधरीलाई उनकै प्रेमी वेला ९ बस्ने यमराज परियार र उनका साथी शिबप्रसाद चौधरीले हत्या गरी खोलामा गाडेको रहस्य खुलेको हो ।
यमराजको आग्रह अनुसार विवाह गर्न निस्केकी हेमालाई यमराज र उनका साथी शिवप्रसादले हत्या गरेर खोलामा गाडेका थिए । सतवरियाको खोलामा हेमाको कंकाल भेटीएको वडा प्रहरी कार्यालय लमहीका प्रमुख प्रहरी निरीक्षक लक्ष्मण शाहीले जानकारी दिए । हेमाका परिवारको उजुरीका आधारमा प्रहरीले यमराजलाई नियन्त्रणमा लिएर सोधपुछ गर्दा यमराजले हेमाको हत्या गरेको स्वीकारेका थिए । खोलामा मारेर फालेको बयान दिएपछि प्रहरी घटनास्थलमा पुगेको थियो । हेमाको दाँत सहित बंगारा, हातको हड्डी, करङ भेटिएको प्रहरी निरिक्षक शाहीले बताए ।
